lundi 9 août 2010

عمر الفار ما يعرفو كان القطوس

اليوم تم التعبير باحدىألواح الجاهلية على انعدام الحياء عند ثلة من اللاأدري الي و بكل وقاحة مدوا يديهم لمنقذ البلاد و العباد عنتر ابن شداد لخوض معركة أخرى و انجاز بطولات جديدة على أرضنا العزيزة مانيش باش نقول سيبوا الراجل يرتاح و مانيش باش نقول أرجعوا أقراو اللوح المقدس باش تعرفوا شروط خوض المعارك  و مانيش باش نقول استناوه يكمل معركتو هذي و خليوه على راحتو وو قتها بالك يقلكم كان سكتوا راكم حجيتوا عياش يقول انكم أعيان القوم و خيرة أولاد الحومة و أذكى أذكياءها ياندرى ذكاكم النادر الي وصلكم للحل هذا ما يخولش لواحد فيكم باش يمد يدو و ياخو المشعل ما نتصورش باش يحشمو و حتى أحنا ما نحشموهش 'ديجا' أحنا تعلمنا من قيادتنا الحكيمة أصول التغيير و التعبيرو حرية الأختيار أما انتوما ما تعلمتوا كان التكعبير تحبوا تحشمو الراجل و تزيدو توحلوه ومن بعد ادوروها نتبير ياخي أنا ما نعرفكمش
هذا الكل حديث فارغ قدام الي مخبي هو فمة واحد منا يعرف عمرو و عندو سلطة عالمكتوب لا انتوما و لا نحنا و لا هو نعرفو الي مخبي. يا سيدي أنا يظهرلي الي الجماعة الكبار لخرين ماعادوش حاجتهم بيه لهنا يحبو يهزوه يحرر قبائل أخرى بعد ما أثبت نجاح فلسفتو و حقق المعجزات و خذات أفكاروا رواج في أعلى المجالس هكة نولي يمكن نقلكم أنتوما و طنيين ما حبيتوش تخليو الماء يمشي للسدرة أما زادة نقلكم هذي أنانية و قلة حشمة ماو شاورو الراجل بالك يطلع عندو طموح و هكة تكونوا حرمتوه.
     حك عياش راسو و طوى الجريدة وتمتم 'حديث فارغ و من غير طعم, الجبن مازال ما وفاش الفار ما تعشعش مليح القطوس جيعان و ما يحبش يطلع صيامو على بصلة لازم يطول عمر الفار لين يكمل الجبن و هكاكة صيامو عندو معنى هو فمه واحد يعرف عمر الفار قد القطوس'


نشر الرسالة

Aucun commentaire:

Enregistrer un commentaire