على مرية سِمحة قالت كلمات

على مرية سِمحة  قالت كلمات و أسمعوا يا ولادي:

النعجة زاهية تكحّل في عو يناتها و الذيب ناصب يعس على و ليداتها

الشجرة منورة محلا وريداتها و  أغصانها كسوة خضرا واتاتها

الشمس زاهية ضحكاتها و القمرة تناجي نجيماتها

النمالة شايخة توازي في قميحاتها و النحلة تنقز زاهية مع زهيرتها

السما صافية زرقا دبيشاتها والعصافر مزينة شرفاتها

المطرة خفيفة محلا قطيراتها معنقة الارض تروي خيراتها

 البو قرعونة حمرا قايمة سويقتها و البنفسج يغني في وذيناتهة

الغابة يا محلا أيماتها الصِيدْ حاميها و رافع راسها قدام وخياتها

تنهدت السمحة و ختمت بالصلى كلماتها و ذكرت وليداتها:

لا يغركم كلام الغير يكرهونا و مايردولنا الخير

همهم ينكدوا فرحتنا و يفرقوا وحدتنا

أيا يا سيدي إلي يطلع المرا السمحة شكون و على شكون تحكي عندو زايزا تلفزة بالألون و هاي الإحتمالات :

1- إزازية لهلالية تغازل في ذياب  

2- أم كلثوم  تغني  على مصر  

3- تونس 7 تحكي على تونس

برافو نسيب الصيد  فاز معنا   بتلفزة بالألون ورحلة ليلة راس العام إلى بوزيد باش يكون شاهد على كلامنا رانا منكذبوش و نتعامل بشفافية

حتى اسألوا إلي فازوا برحلة الرديف غير ربي يهديهم يكرهونا