حكاية عيّاش 1

جيت منين جاو العياشة الكل في بلادي, و طموحي عادي وممكن أقل من عادي
ومنيش متنكر ولا قالب الفيستة , عيّاش أب عن جد و في حقي لا نحشم ولا نخاف من حد

أمي بنت عيّاش الخبزة من بيتها ما توفاش رباتني نكون عيّاش ما نمدش يدي و بعرقي ما نباتش بلاش.الخبزة غلات ومن دارنا وفات وعشرة زنود في بيت يتقاسمو في فتفات و أمي كبرت و عيات هذاك علاش جيت , قلت الخبزة لدارنا نرجعها مدام تعلمت و قريت و صبرت على ما عانيت درت , مشيت , جيت و ادعثرت . نسيت و تذكرت . تذليت تحقرت أما عمري ما صغرت
.........
خلاصة جيتي اني لقيت طريق الخبزة واعر
العياشة كثروا ولا واحد ملحق على خبزة
همهم واحد و طريقهم واحد و الي جوعهم واحد
اما عمرهم ما خمموا يكونوا صف واحد
لقيت الخبزة لا جات بتخمام و لا بغير تخمام
جعت و جعت خممت و قررت
ما عادش باش ناكل الخبز المعدة المحرومة أحق بلحم الي حرمها من الخبزة

أنـا .. إذا مـــا جعـت آكـــل لحــم مـغـتـصـبـي